Kvensk Kvinnenettverk

Älä kiussaa minnuu

Av Solgunn Hesjevoll

Älä kiussaa minnuu
Nyt mulla kans oon oma kieli

Älä kiussaa minnuu
Nyt mie kans saatan lukkeet oman kielen

Älä kiussaa minnuu
Nyt mie kans saatan kirjoittaat oman kielen

Älä kiussaa minnuu
Nyt mie kans saan sannoot piili ja follasörtti

Älä kiussaa minnuu
Nyt mie olen oikkee ihminen

Älä kiussaa minnuu
Nyt minun syđän oon saanu rauhan

Nyt mulla oon kova ääni

Kiitos ko mie, tavalinen Väkkärälainen,
sain kokkeet tamän.

Oma kieli

Av Solgunn Hesjevoll

Taivas oon suuri
Tähret loistavat kirkkhaasti
maailman lapsila

Maailman lapset puhhuuvat
ommaa kieltä

Luo oon kiinalainen
ja hän puhhuu ommaa kieltä

Mary oon englantilainen
ja hän puhhuu ommaa kieltä

Pikku Villi oon kainulainen
ja hän puhhuu ommaa kieltä

Nyt hän ei tarvitte pölätä
ette saapi sölkhään
ko hän puhhuu ommaa kieltä